A PHP Error was encountered

Severity: Notice

Message: Trying to access array offset on value of type null

Filename: views/view_about.php

Line Number: 18

Backtrace:

File: /home/s/sevuninet/kochar.am/public_html/application/views/view_about.php
Line: 18
Function: _error_handler

File: /home/s/sevuninet/kochar.am/public_html/application/controllers/About.php
Line: 26
Function: view

File: /home/s/sevuninet/kochar.am/public_html/index.php
Line: 315
Function: require_once

Հունիսի 15 Թիֆլիսում, շուշեցի Սիմոն Քոչարյանի /1866-1933/ և Ֆեոկլա Մարտիրոսյանի /1873-1951/ ընտանիքում ծնվում է երրորդ երեխան՝ արու զավակ Երվանդ Քոչարյանը /Քոչար/:

Հաճախում Գեղարվեստը խրախուսող Կովկասյան ընկերության նկարչության և քանդակի դպրոց /հայտնի է եղել որպես Օ. Շմերլինգի (1863-1938) դպրոց/: Սովորում է հայ մեծ նկարիչ Եղիշե Թադևոսյանի(1870-1936) դասարանում:

Չնայած տիրող հեղափոխական թոհուբոհին՝ քաղաքացիական կռիվներին, Կարո Հալաբյանի հետ ուղևորվում են դեպի Մոսկվա: Վլադիկավկազում հանդիպում են Վահան Տերյանին, որի հանձնարարականը դյուրացնում է հաղթահարել այդ արկածախնդիր ուղևորությունը:

Ուսանում է Մոսկվայի Երկրորդ Պետական Ազատ Գեղարվեստական Արվեստանոցներում Պ.Կոնչալովսկու դասարանում:

36 աշխատանքով մասնակցում է Վրաց նկարիչների ընկերության կազմակերպած Երկրորդ Աշնանային ցուցահանդեսին» /Թիֆլիս/:

Նկարչություն է դասավանդում Թիֆլիսի գիմնազիաներում:

Մասնակցում է Վրաց նկարիչների ընկերության կազմակերպած «Երրորդ Աշնանային» և «Малый» ցուցահանդեսներին/Թիֆլիս/:

Վրաստանի ԽՍՀ Ժողկոմը Քոչարյանին շնորհում է Պետական բարձրագույն գեղարվեստատեխնիկական արվեստանոցների գեղանկարչության պրոֆեսորի վկայական:

Նոյեմբերին ժամանում է Վենետիկ՝ Մխիթարյան միաբանություն: Բնակվում է Մ. Ռաֆայելյան վարժարանում, ստեղծում կարդինալ Լա Ֆոնտենի, հայր Կյուրեղյանի, բանաստեղծ E13Իսահակյանի, Ժ. Զաքարյանի դիմաքանդակները, ուսումնասիրում միաբանության հին հայկական մանրանկարչության հարուստ հավաքածուն: Այցելում է Պադուայի, Հռոմի, Ֆլորենցիայի թանգարանները:

Ամռանը Հաստատվում է Փարիզում: «Ապագա» թերթի խմբագրության «Societe des savantes» սրահում Արշակ Չոպանյանի աջակցությամբ բացվում է Քոչարի առաջին անհատական ցուցահանդեսը: Ներկայացված աշխատանքները, ի թիվս այլոց, բարձր են գնահատում Էդգար Շահինը եվ Հակոբ Գյուրջյան

Մասնակցում է «Անկախականների սալոնի» /«Salon des Indépendants»/ 35-րդ ցուցահանդեսին «Հարություն» եվ «Փոխակերպում» E14կտավներով, որոնք իրենց վրա են բևեռում արվեստի նշանավոր քննադատների ուշադրությունը: Տարբեր ամսագրերում՝ «Revue du vrai et du beau»/«Ճշմարիտի և գեղեցիկի հանդես»/, «La Revue Moderne»/«Արդիական արվեստ»/ և այլն, լույս են տեսնում արվեստաբանական հոդվածներ:

«Տեսիլք. Քրիստոսը և Մագթաղինացին», «Բաքոս», «Աղջկա դիմանկար» աշխատանքներով մասնակցում է «Salond’Automne» /«Աշնանային սալոնի»/ ցուցահանդեսին: Քոչարի արվեստի մասին գրում են նշանավոր քննադատներ Կլեման Մորոն, Ռայմոն Սելինգը, Ժյուլ դը Սենթ Հիլլերը և այլք:

Հունվարին ամուսնանում է Վարդենիի հետ

Մասնակցում է ‘‘L’art d’Aujourd’hui’’ /«Ժամանակակից արվեստ»/ միջազգային ցուցահանդեսին, որին մասնակցում էին Պիկասոն, Արպը, Բրանկուզին, Դելոնեն, Լեժեն, Էռնստը, Գրիսը, Կլեեն,Լիպշիցը, Միրոն, Մոնդրիանը, Օզանֆանը և այլք: Այդուհետև Այդուհետև ստեղծագործությունները ստորագրում է՝ Քոչար:

«Salon des Indépendants» /«Անկախականների սալոնի»/ կազմակերպած ցուցահանդեսին մասնակցում է «Աղջկա դիմանկա», «Պտուղներով հուրին» կտավներով:

«Les Artistes d’Aujourd’hui» /«Այսօրվա արվեստագետները»/ հանդեսում տպագրվում է հայտնի քննադատ Անդրե Պասկալ-Լեվիի հիացական հոդվածը:

«La Sacre du Printemps» պատկերասրահում բացվում է 20 գեղանկար և 21 գրաֆիկ աշխատանքների անհատական ցուցահանդեսը: Կատալոգի հեղինակ՝ Վալդեմար Ժորժ: Ցուցահանդեսին արձագանքում «Revue du vrai et du beau», «Les Artistes d’Aujourd’hui», «La Revue Moderne» հանդեսները եվ պարբերականները:

Կերամիկական զարդա-կիրառական իրերի ''SAMARA” ֆաբրիկայում կատարում է ձևավորման աշխատանքներ:

«Salon des Indépendants» /«Անկախականների սալոնի»/ կազմակերպած 39-րդ ցուցահանդեսին մասնակցում է 2 գեղանկար-քանդակ ստեղծագործություններով : Հունվարին մամուլում տպագրվում են «Անկախականների սալոնի» ցուցահանդեսում Քոչարի քանդակ-գեղանկար աշխատանքների նկատմամբ դրսևորված վանդալիզմը դատապարտող արձագանքներ: Այդ գործերը «Տարածական նկարչության» առաջին մունետիկներն էին:

Փետրվարին Սորբոնում դոկտոր Ալենդին դասախոսություն է կարդում Քոչարի «նոր գեղանկարչության» մասին:

«Van Leer» պատկերասրահում բացվում է ,,Les Peintures dans l`espace de Kotchar,, /«Քոչարի տարածական նկարչությունը/ անհատական ցուցահանդեսը: Ներկայացված 15 գործերը առանձնանում էին պլաստիկ - գեղանկարչական նորագույն լուծումներով, ուր ներառված էր ժամանակը՝ որպես լրացուցիչ չորրորդ չափում: Կատալոգի հեղինակն էր Վոլդեմար Ժորժը:

«BONAPART» հրատարակչության սրահներում կազմակերպված ,,Panorama de l`art contemporain,, /«Ժամանակակից արվեստի համայնապատկեր» միջազգային ցուցահանդեսում Քոչարը ներկայացնում է «Տարածական նկարչություն» շարքի գործեր: Ցուցահանդեսին մասնակցում էին Պիկասոն, Բրաքը, Շագալը, Դելոնեն, Մատիսը, Միրոն, Պիկաբիան, Վլամինկը, և այլք:

Ծանոթանում է հայտնի մեկենաս, ժամանակակից արվեստի գիտակ՝ ”L’Effort Moderne” պատկերասրահի տնօրեն, ամենամսյա համանուն հանդեսի հրատարակիչ-խմբագիր Լեոնս Ռոզենբերգի հետ, որը հետագայում դառնում է Քոչարի տաղանդի երկրպագուն:

Հունվարին ամուսնանում է Մելինե Օհանյանի հետ

Լոնդոնում «The Leicester Galleries» պատկերասրահում բացվում է ,,Pictures by Fernand Leger, Gino Severini, Jean Metzinger, Jean Viollier also Paintings in space by Kotchar,, /«Լեժեի, Մեցենժեի, Սեվերինիի, Վիոլեի ստեղծագործությունների և Քոչարի «Տարածական նկարչությունը» ցուցահանդեսը:

«Ձիու գլուխ» ստեղծագործությամբ մասնակցում է «Ժամանակակից ֆրանսիական նկարներ» խորագրով ցուցահանդեսին «Վերածնունդ ընկերությունում» /The Renaissance Society/, Չիկագո / 5811 S. Ellis Avenue Չիկագո, IL Միացյալ Նահանգներ/ Կազմակերպիչ՝ Chester H. Johnson պատկերասրահ

Մասնակցում է Լեոնս Ռոզենբերգի պատկերասրահում կազմակերպված ,,Exposition d`oeuvres Cubites, Surrealistes et Abstraites, /«Կուբիստական, սյուրռեալիստական, աբստրակտ ստեղծագործությունների»/ ցուցահանդեսին, ուր ներկայացված էին Բրաքի, Մեցենժեի, դը Կիրիկոյի, Գրիսի, Պիկաբիայի, Կզակիի, Լեժեի, Էռնստի, Հերբինի և այլոց աշխատանքները:

«Ձիու գլուխ» ստեղծագործությամբ մասնակցում է «Ժամանակակից ֆրանսիական նկարչության հինգերորդ ամենամյա ցուցահանդեսը» խորագրով ցուցահանդեսին «Վերածնունդ ընկերությունում» /The Renaissance Society/, Չիկագո / 5811 S. Ellis Avenue Չիկագո, IL Միացյալ Նահանգներ/

«Galerie Vignon» պատկերասրահում բացվում է ,,Kotchar – Peintures, Sculptures, Dessingns ’’ /«Քոչարի գեղանկար, գրաֆիկ, քանդակ ստեղծագործությունները»/ անհատական ցուցահանդես, որին անդրադառնում են Մորիս Ռեյնալը, Մաքսիմիլլիան Գոթիեն, այլ քննադատներ: