30 Սպտ Եվրոպական ժառանգության օրեր — 2019
Եվրոպական ժառանգության օրեր — 2019 համաեվրոպական ակցիան այս տարի անցկացվեց «Արվեստ և ժամանց» խորագրով:
Երվանդ Քոչարի թանգարանի այցելուներն հնարավորություն ունեցան մասնակցել «Նորահայտ Հուրիներ» ֆոտոսեսիային, բեմականացված լուսանկարահանումներին, հագնելով դիմակ կամ հատուկ զգեստներ՝ իրականացված Ե. Քոչարի «Էրեբունի – Երևան» տարածանկարում պատկերված Հուրիի և առասպելական արծվի կերպարների մոտիվներով և լուսանկարվելով բնօրինակ տարածանկարի ֆոնին:
Սեպտեմբերի 29-ին էլ ներկայացվեց Ե. Քոչարի «Եսենտուկիում» գեղանկարը՝ բեմականացված ձևաչափով: Այցելուները լուսանկարվեցին հատուկ հրավիրված դերասանուհու հետ՝ մեծացված նկարի ֆոնին:
